Նախագծի մասին

Վրաստանի Հանրային Հեռուստատեսության Առաջին ալիքով ազգային փոքրամասնությունների 5 լեզվով՝ աբխազերեն, օսերեն, հայերեն, ադրբեջաներեն և ռուսերեն հեռարձակվող հաղորդումների հիմքը դրվել է 2004 թվականի դեկտեմբերին, երկրի նախին նախագահ Միխեիլ Սաակաշվիլիի կարգադրությամբ:

Շաբաթ-կիրակիից բացի, ամեն օր, Ազգային փոքրամասնությունների որևէ լեզվով եթերաժամին հատկացված էր 30 րոպե: Խմբագրությունների աշխատակիցները, պրոդյուսեր Նինո Խիդաշելիի ղեկավարությամբ, պատրաստում էին լրատվական թողարկում՝ երկրում և դրանից դուրս տեղի ունեցող իրադարձությունների մասին, բարձրացնում երկրի բնակչությանը հուզող լուրջ և հրատապ հարցեր: Այդ նպատակով ստեղծվել էր «Մթավարի» (Գլխավոր), «Դիմանկար», «Տարածաշրջաններ», «Երիտասարդ սերունդ», Սոցիալական և տնտեսական խնդիրներ արծարծող հաղորդումների շարք:

Վրաստանի ազգային փոքրամասնությունների լեզուներով տրվող հայկական հաղորդման եթերաժամին հատկացված էր չորեքշաբթի օրը, ժամը 16:00-ին: Հաղորդման վրա աշխատում էին գլխավոր խմբագիր Սուսաննա Խաչատրյանը, հաղորդավարներ՝ Էդգար Բարսեղյանը և Ալիսա Գրիգորյանը, լրագրողներ՝ Մարինե Հովհաննիսյանը և Գոհար Մխիթարյան-Մազմանյանը:

2009 թվականի նոյեմբեր ամսից, նշված հաղորդումների ձևաչափը փոխվեց և դարձավ ամենօրյա՝ «Մոամբե»-ն հայերեն, 10 րոպե տևողությամբ – պրոդյուսեր Զուրաբ Դվալի: Հաղորդումները մշտապես ուղիղ եթերում էին, ընդհուպ մինչև 2016 թվականի մայիս ամիսը: Խմբագրության անձնակազմը համալրվեց ևս մեկ հաղորդավարով՝ Աննա Բադալյան:

2016 թվականի օգոստոսից նշված խմբագրությունը վերակազմավորվեց և կրկին փոխվեց եթերաժամի ձևաչափը: Ամեն օր, շաբաթ-կիրակիից բացի, 3 լեզվով՝ աբխազերեն, օսերեն և ռուսերեն հաղորդումները կեսժամյա եթերաժամով հանդես են գալիս ժամը 23:00-ից մինչև 00:30: Իսկ հայկական և ադրբեջանական հաղորդումների համար հատկացվել է այս կայքէջը, ինչպես նաև ֆեյսբուքյան էջ: